Presidenti Vuçiç i është përgjigjur asaj që tha Rama mbi provën serbe të respektimit të projektit të Ballkanit të Hapur në kushtet e tanishme, të një krize luftë, kur tregu nuk ka sasinë e duhur të grurit në bazë të kërkesave.
“Të gjitha vendet po i mbyllin kufijtë, siç bënë me pandeminë. Kemi kompanitë tona të grurit që kanë 20 mijë ton të kontraktuara në Serbi dhe ne duam ta hapim këtë rrugë me diplomaci.
Me Ballkanin e Hapur pra. Nëse vlen diçka kjo nismë, ja vlen tani. Ta tregojnë edhe ata, ta tregojë Serbia që janë po kaq seriozë për Ballkanin e Hapur, le ta hapin”, tha Rama.
Vuçiç nga ana tjetër la të kuptuar se do jetë respektues, siç e kërkon Rama.
“Natyrisht, ne kemi sasi të mjaftueshme të grurit për Serbinë dhe më shumë, por është e pakuptimtë të thuhet se diçka na mjafton, e që njerëzit fqinjë nuk e kanë.
Në këtë drejtim, Serbia do të jetë e hapur. Kemi marrë tashmë kërkesat e para nga Shqipëria dhe po punojmë për to. Por, nëse thua se Serbia do të ketë bukë e Bosnja jo, kjo do të thotë se as Serbia nuk do të ketë”, tha presidenti serb. /tesheshi.com/
