Anëtarët e Organizatës së Vendeve Eksportuese të Naftës (OPEC) dhe aleatët, të njohur si OPEC+, ranë dakord t’i përmbahen politikave të tyre aktuale të prodhimit.
Vendimi u mor në takimin e 47-të të videokonferencës së Komitetit të Përbashkët Ministror të Monitorimit (KPMK).
Ministrat e vendeve prodhuese të naftës kanë vendosur të vazhdojnë uljen e prodhimit të naftës me dy milionë fuçi në ditë deri në fund të vitit 2023, raporton Anadolia.
Takimi i radhës ministror i grupit është caktuar për 3 prill.
“Stabilizimi” i tregut global të naftës
OPEC+ uli prodhimin ditor të naftës së papërpunuar me afërsisht 10 milionë fuçi në prill 2020 për shkak të një rënie të mprehtë të kërkesës pas fillimit të pandemisë.
Ndërsa ekonomitë globale dhe kërkesa për naftë filluan të rimëkëmbeshin nga prilli 2021, filloi lehtësimi gradual i këtyre shkurtimeve.
Megjithatë, OPEC+ filloi reduktimin e prodhimit nga tetori i vitit të kaluar në mënyrë që të “stabilizonte tregun global të naftës”. /tesheshi.com/
