Organizata e vendeve eksportuese të naftës ra dakord të rrisin prodhimin e naftës me një milion fuçi në ditë, tha ministri i energjisë i Arabisë Saudite, Khalid al-Falih.
“Ne kemi rënë dakord për një rritje prej një milion fuçi në ditë, siç sugjerohet. Mendoj se do të plotësojë nevojat për naftë në pjesën e dytë të vitit”, shtoi ai.
Por një milion fuçi në ditë nuk përmendet në tekstin e nënshkruar nga Organizata në një takim në Vjenë.
Ajo duhet të diskutohet më vonë të shtunën, sipas AFP.
OPEC dhe partnerët, në fund të vitit 2016 përcaktuan një reduktim në prodhim, të cilat kontribuan në rritjen e çmimeve, që ishte më i ulëti dy vjet më parë.
Marrëveshja e vitit 2016 lë hapësirë për manovrim, tha Arabia Saudite, eksportuesi i parë në botë.
“Të gjitha vendet nuk po bëjnë të njëjtën përpjekje për të reduktuar prodhimin”, tha Souhail al-Mazrouei, ministri i energjisë i Emirateve të Bashkuara Arabe, vendi i të cilit aktualisht po udhëheq OPEC, duke pranuar mungesën e investimeve.
Prodhuesit e naftës që kanë mjetet për të rritur prodhimin duhet të shpejtojnë nxjerrjen e naftës për të kompensuar deficitet e mundshme në vendet e tjera, raporton AFP.
Irani, të cilit sanksionet amerikane ja kufizojnë kapacitetet e prodhimit dhe të eksportit, kundërshton një rritje prej një milion fuçi në ditë, pasi nuk dëshiron të humbasë të ardhurat në raport me sauditët. /tesheshi.com/
