Organizata e vendeve eksportuese të naftës (OPEC) uli vlerësimin e saj të rritjes globale të kërkesës për naftë për vitin 2019 dhe përvijoi sfidat përpara në vitin 2020, pasi prodhuesit rivalë pompojnë gjithnjë e më shumë naftë.
OPEC tha në një raport mujor se tani pret që kërkesa globale e naftës të rritet me 1.1 milion fuçi në ditë në vitin 2019, duke zbritur 40,000 fuçi në ditë nga projeksioni i saj i kartelit të naftës në korrik, raporton MarketWatch.
Raporti gjithashtu vlerëson se tregu i naftës do të jetë në një tepricë të lehtë në vitin 2020, raporton Reuters.
Kërkesa për naftë e OPEC mesatarisht do të jetë 29.41 milion fuçi në ditë në vitin 2020, duke zbritur 1.3 milion fuçi në ditë nga ky vit.
Sidoqoftë, kërkesa ditore e parashikuar për vitin 2020 është më e lartë, me 140,000 fuçi në ditë në krahasim me parashikimin e muajit të kaluar.
Masat e OPEC të marra për të mbështetur çmimet e naftës përmes ndërprerjeve të prodhimit, i kanë hapur derën prodhuesve amerikane dhe furnizuesve të tjerë rivalë për të rritur prodhimin e tyre.
OPEC dhe aleatët e saj në korrik zgjodhën një marrëveshje për të zvogëluar prodhimin e “arit të zi” deri në mars të vitit 2020, duke përmendur nevojën për të shmangur grumbullimin e stokut, i cili mund të godiste çmimet. /tesheshi.com/
