Presidenti i SHBA Donald Trump publikoi një video të premten që thotë se tregon dhjetëra luftëtarë të lëvizjes Houthi duke u vrarë në një bombardim amerikan në Jemen, duke e shoqëruar atë me thirrjen sarkastike “ops”, përmes Truth Social.
Imazhet bardh e zi, të marra nga lart – me sa duket nga një dron ushtarak – tregojnë dhjetëra njerëz në një rreth përpara se të binte një bombë.
Kamera kap shpërthimin, tymin e dendur, më pas pamjet e zonës së prekur, ku nuk ka mbetur asgjë, në një distancë të shkurtër shihen vetëm disa automjete.
These Houthis gathered for instructions on an attack. Oops, there will be no attack by these Houthis!
They will never sink our ships again!
Donald Trump Truth Social 04/04/25 05:40 PM pic.twitter.com/zafEdKwKtM
— Donald J. Trump Posts From His Truth Social (@TrumpDailyPosts) April 4, 2025
“Këta huthinj u mblodhën për të marrë urdhra për një sulm”, shkroi Donald Trump sipër videos.
“Oops, nuk do të ketë asnjë sulm nga Houthi! Ata nuk do të fundosin më kurrë anijet tona!”, shtoi ai.
Por duket se ky sulm ka qenë i llojit të atyre në Irak e Afganistan dikur, kur amerikanët bombardonin dasmat apo festimet e popullit të thjeshtë, duke shkaktuar kësisoj masakra në civilë të pafajshëm, klasifikuar më pas si “sulm i gabuar”.
Raportohet se goditja amerikane nuk ka qenë mbi trupa huthinjsh, por mbi civilë të përfshirë në një rit feste tradicionale. Është fjala për një llojin e mikëpritjes në Jemen të një fisi për një tjetër fis. /tesheshi.com/
