Operacioni Forca e Ligjit i dërgoi formularin e qartësimit të pasurisë një prej emrave më delikatë në raport më politikën: Edmond Begos.
I përfolur si i implikuar dikur me bandën e Aldo Bares, në ato kohë kur ky i fundit bënte ligjin në Lushnjë, Bego ka qenë njëherësh president i ekipit të Lushnjës. Emri i tij u fut në vokabularin akuzues të PD-së dy vitet e fundit, ku në shënjestër u vendos Taulant Balla, si mik me Begon.
Kjo bëri që për Begon të publikohej një dënim i tij i dikurshëm në Itali, fakti i burgosjes në Shqipëri, ku ka vuajtur një dënim prej tre vjetësh. Kjo, në kohën e qeverisjes së PD-së. Por rreth figurës së tij dhe ka të tjera të pathëna, sic është miqësia e afërt dhe me figura të demokratëve, ku veçon Bujar Nishani. Ndërsa nga PS, shoqëri me Begon nuk ka vetëm Balla por dhe figura të tjera, përfshirë dhe zv/kryeministrin Braçe.
E pathëna tjetër është se si trashëgimi politike, Edmond Bego i përket së djathtës pasi vjen nga shtresa e të përndjekurve politikë, e që me Lushnjen e lidh të qënit e familjes së tij e internuar aty në kohën e komunizmit, ardhur nga Berati.
Në aspekt të sjelljes sociale, Edmon Bego nuk ka asnjë precedent, përfshirë dhe atë penal, dhe bën në jetë larg çdo afere të dyshimtë.
Kujtojmë se kur ia behu Operacioni Forca e Ligjit, PD tha se Bego nuk do qe në listë. Ndërkohë që paraditen e kësaj të enjteje, kryeministri Rama tha se emrat i përzgjedh ligji e jo politika. /tesheshi.com/
