Olsi Rama, vëllai i kryeministrit, është përfshirë në një kurs të sapo nisur nga Federata Shqiptare e Futbollit, atë mbi Drejtorin Sportiv. Është një kurs dyjavor, ku u bëhet me dije kursantëve menaxhimi i klubit.
Por lajm në këtë rast është pjesëmarrja në të e Olsi Ramës, që siç përflitet synon të jetë në krye të Futboll Klub Partizanit.
Siç Edi, edhe Olsi ka qenë dhe është personazh i zakonshëm në fjalorin akuzues e denoncues të ish-kryeministrit Berisha. Por ai nuk ka preferuar kurrë t’u përgjigjet
Olsi Rama jetoi prej disa vitesh në SHBA, ku punoi si menaxher në një institut kërkimesh për kancerin.
Vitet e fundit ai është kthyer në Shqipëri, gjë që ka koinçiduar me hipjen në pushtet të të vëllait, Edit.
Në të ritë e tyre, që të dy ishin basketbollistë të Dinamos, ku Olsi veçohej si lojtar shumë më cilësor se Edi. E tani, ai pretendon të drejtojë një klub futbolli, siç është Partizani. /tesheshi.com/
