Sipas kancelarit gjerman Olaf Scholz, rrjetet sociale konfirmojnë opinionet tashmë të formuara të njerëzve dhe ky është një “mallkim”.
“Ky është mallkimi i mediave sociale – që ne mund të ndihemi rehat në flluskat tona, ku marrim vetëm gjëra që na sugjerohen që korrespondojnë me atë që ne e kemi konsideruar gjithmonë të drejtë,” tha politikani socialdemokrat për gazetën Süddeutsche Zeitung, pasues i Merkelit në postin e kryeqeveritari gjerman.
Një gjë e veçantë është “e reja, e panjohura”. Scholz tha në një intervistë se kjo ishte ajo që e tërhoqi atë drejt leximit. Librat përcjellin shumë këndvështrime të ndryshme përtej përvojave tona, thotë Kancelari.
“Kjo është gjëja e mrekullueshme e letërsisë, ajo të lejon të ndash përvoja që nuk i ke dhe shpesh nuk dëshiron t’i kesh”.
Scholz tha se ai i sheh librat si një “plotësim të mrekullueshëm” të bisedave që ai bën me qytetarët si politikan.
“Të gjitha këto biseda më japin mua si politikan njohuri dhe pikëpamje të ndryshme të qytetarëve që jetojnë shumë ndryshe nga unë. Librat i shtojnë një komponent letrar përvojave të mia, nuk dua ta humbas këtë,” thotë Scholz.
Kancelari vazhdoi duke thënë se i pëlqen të lexojë.
“Ndonjëherë më shumë, ndonjëherë më pak, ndonjëherë më shumë romane – pastaj më shumë letërsi jofiction. Fazat alternohen,” thotë Scholz.
Ndërsa ai ishte presidenti i të rinjve të partisë së tij, për shembull, kishte një “fazë intensive fantashkence”.
Nuk i pëlqen të lexojë i shtrirë, zbuloi Scholz.
“Nëse doni të përqendroheni, është më mirë të merrni një pozicion vertikal. Kështu që unë lexoj në karrige, në kolltuk, në dritare, në makinë dhe në aeroplan.”
“Unë gjithashtu ulesha në dysheme, mbështetesha pas murit dhe lexoja”, shton Kancelari gjerman. /tesheshi.com/
