Nikolay Mladenov, Koordinator Special i Kombeve të Bashkuara për procesin e paqes në Lindjen e Mesme, tha se tensionet dhe dhuna në kompleksin e Al-Aksa dhe rrethinë mund të kthehen në një konflikt fetar.
Mladenov, në fjalimin e tij në Këshillin e Sigurimit të OKB-së, ku është diskutuar për zhvillimet e fundit në Lindjen e Mesme, ka paralajmëruar se tensionet brenda dhe pranë Al-Aksa mund të rriten edhe më tej.
“Tensionet që po ndodhin në vendin e shenjtë gjatë 11 ditëve të fundit nuk janë një çështje vetëm izraelito-palestineze, dhe ato mund të eskalojnë në një konflikt fetar, i cili mund të zhysë gjithë rajonin në një vorbull dhune”, tha Mlladenov.
Ai ka vlerësuar pozitivisht vendimin Izraelit për të hequr detektorët në hyrje të Al-Aksa-s, duke u bërë thirrje të gjitha palëve që të distancohen nga provokime të reja.
Në fjalimin e tij ai ka kritikuar planet e fundit të qeverisë izraelite për ndërtimin e njësive të reja të banimit në territorin palestinez.
“Edhe një herë dua të theksoj se vendbanimet në territorin e pushtuar palestinez, në bazë të ligjit ndërkombëtar janë të paligjshme. Gjithashtu, ato parandalojnë formimin e një shteti të pavarur palestinez dhe kërcënojnë mundësinë për një zgjidhje me dy shtete”, tha Mlladenov.
Riyad Mansour, ambasadori palestinez në OKB, në fjalimin e tij në Këshillin e Sigurimit e dënoi vendimin e autoriteteve izraelite për të mbyllur Al-Aksa-n për besimtarët muslimanë.
Ai paralajmëroi se provokimet e Izraelit mund të kthehen në një vorbull dhune, duke i bërë thirrje Këshillit të Sigurimit të OKB-së që të ndërmarrë masat e nevojshme në mënyrë që në rajon të sundojnë paqja dhe të siguria.
E nga ana tjetër, ambasadori izraelit në OKB, Danny Danon akuzoi qeverinë palestineze se po ju jep “pagë terroristëve”, duke i kërkuar Këshillit të Sigurimit të OKB-së që ta vë këtë çështje në rendin e ditës.
Kriza ka eskaluar javën e kaluar kur policia izraelite vrau tre palestinezw para dhe brenda kompleksit të Al-Aksa, dhe gjithë kjo ka rezultuar me trazira në të cilat janë plagosur disa njerëz, duke përfshirë dy policë izraelitë të cilët kanë vdekur në rrugës për në spital. Policia izraelite pastaj urdhëroi mbylljen e kompleksit Al-Aksa. /tesheshi.com/
