Spastrim etnik e ka cilësuar komisioneri për të drejtat e njeriut në Kombet e Bashkuara, Zeid Raad Al Hussein, operacioni kundër myslimanëve Rohinja në Mianmar.
Ai u bëri thirrje autoriteteve në Mianmar të ndalojnë operacionin mizor ushtarak në shtetin e Rakhines.
Zeid tha se situata në Rakhine nuk mund të vlerësohet plotësisht, sepse Mianmari ka refuzuar qasjen hestuesve të të drejtave të njeriut. Ai shtoi se “raporte të shumta dhe imazhe satelitore tregojnë forcat e sigurisë dhe milicitë lokale duke i djegur fshatrat e myslimanëve dhe duke qëlluar civilët që ikin”.
Mbi 300,000 myslimanë Rohinja kanë ikur në Banladesh, që nga shpërthimi i dhunës në Mianmar, në fund të muajit të kaluar.
Refugjatët akuzojnë forcat e sigurisë dhe turmat budiste për djegien e fshatrave të tyre.
Qeveria thotë se forcat e sigurisë janë duke iu përgjigjur një sulmi të militantëve Rohingya kundër postblloqeve policore, që ka ndodhur më 25 gusht. /tesheshi.com/
