Kombet e Bashkuara kanë thënë se është shqetësuese fakti që adoleshentja 16-vjeçare palestineze Ahed Tamimi do të paraqitet para Gjykatës Ushtarake të Izraelit.
Stephane Dujarric, zëdhënëse e OKB-së, në një konferencë shtypi në pyetjen e gazetarëve në lidhje me këtë rast, tha se duhet të respektohen të drejtat e njeriut.
“Ne duhet të kuptojmë se të drejtat e njeriut duhet të respektohen dhe ne jemi veçanërisht të shqetësuar për arrestimin e fëmijëve”, tha Dujarric.
Ajo gjithashtu iu përgjigj pyetjeve lidhur me luftën e Sirisë, duke theksuar se OKB shpreh shqetësim të thellë për sigurinë e mijëra njerëzve në jug të Idlibit, pjesëve rurale të Hama dhe Gutës lindore.
Ai theksoi se Sekretari i Përgjithshëm i OKB-së Antonio Guterres porositi të gjitha palët se duhet të jenë të përkushtuara ndaj interesave të popullit sirian dhe jo ndaj interesave të tyre.
Ai konfirmoi se Ndihmës Sekretari i OKB-së për Çështjet Humanitare, Mark Lowcock do të qëndrojë në Siri nga 9 deri në 12 janar.
Kujtojmë, më 1 janar, Gjykata Ushtarake ngriti një padi kundër 16-vjeçares Ahed Tamimi.
Aktakuza kundër adoleshtes palestineze nga fshati Nebi Saleh në Bregun Perëndimor të pushtuar, e cila me veprimin e saj ka tërhequr vëmendjen e publikut në botë, është ngritur për dyshimin se sulmoi ushtarët izraelitë.
Tamim u filmua në dhjetor 2017 përpara shtëpisë duke shtyrë, goditur dhe bërtitur ushtarëve izraelitë, të cilët nuk kishin treguar kurrëfarë reagimi. Përveç kësaj, Tamimi kishte kafshuar një ushtar izraelit i cili po mbante qafën e vëllait të saj në një përpjekje për ta arrestuar atë në 2015.
Palestinezët e celebrojnë adoleshenten Ahed, duke e konsideruar atë si një simbol të luftës së tyre kundër Izraelit. /tesheshi.com/
