OKB ka përmbushur zotimin për të trajtuar me ilaçe 15 milionë njerëz të prekur nga sëmundja e SIDA-s. Synimi ishte deri në fund të vitit, por është përmbushur që në mars, njoftoi agjencia e Ndihmave të OKB-së.
Kjo mundësi për njerëzit në nevojë që nuk mund të kenë akses në trajtimet e shtrenjta kundër sëmundjes së pashërueshme, vjen pas disa dekada përpjekjesh.
Në vitin 2000, kur për herë të parë OKB përcaktoi si qëllim luftën ndaj SIDA-s, më pak se 700 mijë persona i merrnin medikamentet vitale.
Sipas OKB-së, përgjigja globale ndaj sëmundjes ka shmangur 30 milionë infeksione të reja dhe gati tetë milionë vdekje prej saj që nga fillimi i mijëvjeçarit të ri. /tesheshi/
