Numri i myslimanëve Rohinga që kanë ikur në Bangladesh që nga shpërthimi i dhunës në shtetin Rakhinë të Mianmarit ka tejkaluar gjysmë milioni, njoftuan Kombet e Bashkuara.
Shifra e re prej 501,800 nga rreth 480,000, ishte kryesisht për shkak të numërimit të refugjatëve që nuk ishin përfshirë më parë në radhët e tyre.
Refugjatët janë duke ikur nga një operacion i ri, në të cilin forcat e sigurisë dhe turmat budiste kanë vrarë meshkuj, gra dhe fëmijë, kanë plaçkitur shtëpitë dhe kanë shkatërruar fshatrat Rohinga. Sipas ministrit të Jashtëm të Bangladeshit Abul Hasan Mahmood Ali, rreth 3,000 Rohinga janë vrarë gjatë sulmit.
Rohinga, të përshkruar nga OKB-ja si njerëzit më të përndjekur në botë, janë përballur me frikën e rritur të sulmeve, pasi dhjetra u vranë në dhunën komunale në vitin 2012. /tesheshi.com/
