Asambleja e Përgjithshme e OKB-së ka votuar në favor të lejimit të ngritjes së flamurit palestinez në selinë e saj qendrore në Nju-Jork.
Nga shtetet anëtare u adoptua një rezolutë, me 119 prej tyre në favor, tetë që votuan kundër, duke përfshirë Izraelin dhe SHBA-të, dhe 45 që abstenuan.
Teksti flet për lejimin që flamujt e Palestinës dhe të Vatikanit të ngrihen përkrah atyre të shteteve anëtare. Si Palestina dhe Vatikani gëzojnë statusin e vëzhguesit joanëtar.
“Eshtë diçka simbolike, por një tjetër hap për t’i bërë të qëndrueshme shtyllat e shtetit të Palestinës në arenën ndërkombëtare,” qe shprehur Rijad Mansur, përfaqësuesi palestinez në OKB.
Ndërsa kryeministri palestinez, Rami Hamdallah, i gjendur në Francë, e quajti votën për flamurin si, “një hap në rrugën drejt bërjes së Palestinës një anëtare me të drejta të plota e OKB-së.”
Hamdallah foli pas takimit me kryeministrin francez, Manuel Valls, duke deklaruar gjithashtu se shpresonte që Franca ta njihte një ditë një shtet palestinez, diçka që nuk ka pranuar ta bëjë gjer më sot.
Organizmi botëror ka tani 20 ditë kohë për ta vënë në zbatim rezolutën, që përkon me një vizitë të presidentit palestinez, Mahmud Abbas, më 30 shtator. /tesheshi.com/
