Sekretari i Përgjithshëm i Kombeve të Bashkuara për Çështjet Humanitare, Mark Lowcock paralajmëroi se një sulm në Idlib, ku regjimi sirian kërkon të marrë të fundit bastion të kryengritësve, mund të ktheje katastrofën më të rëndë humanitare të shekullit të 21.
“Mesazhi ynë kryesor është se duhet të ketë mënyra për të zgjidhur situatën, pasi nuk do donim që muajt e ardhshëm Idlibi të ballafaqohet me një fatkeqësi humanitare, me humbjen më të madhe të jetëve në shekullin e 21”, tha Lowcock në Gjenevë.
Komentet e Lowcock vijnë pak ditë pasi Irani dhe Rusia mbështetën fushatën ushtarake në zonat e kontrolluara nga kryengritësit, pavarësisht kërkesave të Turqisë për të arritur një armëpushim.
Një zëdhënës i Zyrës së OKB-së për Koordinimin e Çështjeve Humanitare, David Swanson tha gjithashtu se më shumë se 30,000 njerëz janë zhvendosur nga Idlibi drejt zomave të tjera të krahinës, për shkak të sulmeve ajrore të qeverisë siriane dhe aleatëve të saj. /tesheshi.com/
