OKB dhe Këshilli i Evropës: gratë në rrezik, edhe nga dezinformimi

Të drejtat e grave në botë, duke përfshirë Evropën, janë tronditur – paralajmëruan zyrtarë të OKB-së dhe Këshillit të Evropës në një konferencë në Strasburg.

“Ne jemi dëshmitarë të fenomenit të stopimit dhe rënies në shtet të aspektit të  barazisë gjinore”, tha Feride Acar, President i grupit të ekspertëve të Këshillit të Evropës për të luftuar dhunën kundër grave.

Në hapje të konferencës, Acar paralajmëroi se “instrumentet ligjore në dispozicion, në mënyrë për të luftuar pabarazinë mes gjinive dhe dhunës ndaj grave, në veçanti Konventën e Stambollit, shpesh bëhen pengje të debatit kombëtar politik”.

“Më vjen keq për informacionin e rremë që kontribuon në krijimin e një konfuzioni dhe krijon frikë irracionale”, tha ajo, duke iu referuar asaj se çfarë parasheh Konventa në fjalë, e paragjykuar nga shumë shtete.

Franca, e cila po mban kryesinë 6-mujore të Këshillit të Evropës, një organizatë pan-evropiane anëtarët e së cilës janë dhe Rusia, Turqia dhe Azerbajxhani, kërkon që çështjet e barazisë gjinore të imponohen si prioritet i presidencës së saj.

Sekretarja franceze e Shtetit për Barazi Gjinore, Marlene Schiappa bëri thirrje për bashkëpunim ndërkombëtar, në mënyrë për të luftuar diskriminimin dhe dhunën ndaj grave, duke  kapërcyer hendekun mes ligjit dhe praktikës.

Edhe Schiappa dënoi “fushatën e dezinformimit” lidhur me Konventën e Stambollit, veçanërisht në vendet e Evropës Lindore. /tesheshi.com/