Departamenti i Shtetit ka miratuar shitjen e mundshme të avionëve luftarakë F-35, municioneve dhe pajisjeve ushtarake Gjermanisë, e vlerësuar në 8.4 miliardë dollarë, njoftoi Pentagoni.
Rruga drejt marrëveshjes Uashington-Berlin u hap kur kancelari gjerman Olaf Scholz u zotua të përmirësojë forcat e armatosura të vendit të tij pas pushtimit rus të Ukrainës.
Kontraktorët kryesorë për kontratën përfshijnë Lockheed Martin, Boeing dhe Raytheon Technologies, sipas Pentagonit.
Agjencia e Bashkëpunimit për Sigurinë e Mbrojtjes së SHBA (DSCA) informoi Kongresin të enjten rreth marrëveshjes së mundshme. Pavarësisht aprovimit nga Departamenti i Shtetit, informimi nuk tregon se një marrëveshje është nënshkruar apo se negociatat kanë përfunduar.
Gjermania njoftoi në mars se planifikon të blejë 35 avionë luftarakë amerikanë F-35 për të zëvendësuar Tornadot e saj të vjetruara. /tesheshi.com/
