Përfaqësuesit e më shumë se 35 organizatave të shoqërisë civile nga Serbia dhe Kosova, i kanë bërë thirrje përfaqësueses për politikë të Jashtme të BE-së, Federica Mogherini, që mëdyshje të deklarohet kundër ndarjes së Kosovës apo shkëmbimit të territoreve mes Kosovës dhe Serbisë në parimin etnik.
“Ky është veprim me shumë pasoja për qytetarët e Serbisë dhe Kosovës, si dhe në të gjithë rajonin, pasi ka mundësi reale për të legjitimuar parimin rrezikshëm të pronësisë etnike të territorit – parim i cili e ka shtyrë rajoniin në disa raste drejt konflikteve të përgjakshme”, thuhet në letrën dërguar Mogherinit.
OJQ-të vlerësojnë se një zhvillim i tillë në mënyrë të pashmangshme do të prodhojnë një reaksion zinxhir dhe në vendet e tjera të Ballkanit, pasi do të çojë në kërkes të shumta për ndryshimin e kufijve në Ballkan, e cila hap derën për konflikte të reja.
“Po ashtu, serbët dhe shqiptarët që mendojnë se jetojnë në ‘anën e gabuar’, do merrnin mesazhin e nevojës për të lëvizur drejt ‘shtetit e tyre etnik’, gjë e cila mund të çojë në një tjetër eksod të popullsisë në Ballkan”, theksohet në letër.
Organizatat e shoqërisë civile kanë bërë thirrje komunitetit ndërkombëtar, por mbi të gjitha autoriteteve në Serbi dhe Kosovë që gjatë negociatave të zotohen për krijimin e kushteve sa më të mira të jetesës për të gjithë banorët e Kosovës.
“Vetëm negociatat e tilla janë një garanci për një jetë të sigurt dhe të denjë për të gjithë njerëzit, pavarësisht nga etnia ose dallime të tjera”, thuhet në letrën dërguar në Bruksel te znj. Mogherini. /tesheshi.com/
