Papa Françesku ka gjetur “ilaçin” për dhimbjen e këmbës, e cila e ka detyruar të anulojë shumë nga aktivitetet e tij të fundit. Siç rrëfeu ai para priftërinjve meksikanë të cilët e pyetën për shëndetin e tij, “ajo që i duhet këmbës sime është pak tekila”.
Biseda u filmua nga një prej priftërinjve meksikanë të mërkurën e kaluar dhe u postua në TikTok, duke bërë që ajo të bëhej virale.
A seminarian from Mexico posted this video on TikTok. After thanking #PopeFrancis for being outside with the faithful despite his knee problems, pope tells him: "Do you know what I need for my knee? A bit of tequila." pic.twitter.com/DJThe2lwH9
— Junno Arocho Esteves (@arochoju) May 16, 2022
“Si është gjuri juaj?”, dëgjohet një nga priftërinjtë duke pyetur Papën. “Është shumë kapriçioze”, tha Françesku, duke iu referuar problemit që e detyroi të paraqitej në një karrige me rrota për herë të parë në fillim të majit dhe të shtynte një udhëtim në Liban.
“Faleminderit për buzëqeshjen, për gëzimin, pavarësisht problemeve. Po na jepni një shembull të mrekullueshëm për priftërinjtë e ardhshëm”, vazhdon bashkëbiseduesi i tij.
85-vjeçari Françesku i përgjigjet më pas duke e parë me një vështrim dinak: “A e di çfarë më duhet për këmbën time? Pak tequila” dhe të gjithë shpërthejnë në të qeshura. “Nëse do të vijmë ndonjëherë në Santa Marta, do t’ju sjellim një shishe,” premtuan meksikanët, duke iu referuar një vizite në rezidencën e Papës në Vatikan.
Kjo nuk është hera e parë që Françesku bën shaka për problemet e tij shëndetësore, veçanërisht për gjurin e djathtë. Në janar, ai u tha besimtarëve: “Është një gjë kalimtare. Thonë se kjo u ndodh vetëm të moshuarve dhe nuk e kuptoj pse më ka ndodhur mua…”. /tesheshi.com/
