Të shumtë janë personat që kanë kërkuar të marrin një shtëpi me qira apo një apartament ose qoftë edhe një dhomë të vetme në qendër të Londrës me më pak se 700 euro në muaj, por jo për të gjithë ka qenë e mundur.
Në fakt, kjo është oferta që vjen nga një studio, e cila flet për një apartament shumë të vogël, vetëm një dhomë e cila ndodhet 5 minuta larg nga stacioni Hendon. Ka qenë një ofertë që shumë persona e kanë pritur prej kohësh dhe kërkesat kanë qenë të menjëhershme, por banesa nuk është aspak e këndshme për të gjithë personat që janë të fiksuar pas higjienës personale.
Apartamenti i vogël, i cili ndodhet brenda një shtëpie më të madhe, është me të vërtetë i minimizuar në përmasa, por i ka të gjithë elementët e rëndësishëm të një banese: një shtrat, një frigorifer, një sobë, lavapjatën dhe tualetin.
Duke parë fotografitë e mëposhtme, nuk është e vështirë të dallohet se tualeti ndodhet në një dollap, shumë pranë lavapjatës dhe vendit ku gatuhet. Shikojeni vetë për më shumë. /tesheshi.com/
