Për trajnerin italo-shqiptar të përfaqsueses kuqezi, tashmë kanë nisur andrallat e përzgjedhjes mes ofertave që i vijnë nga të tjera drejtime, siç pritet të ndodh pas përfundimit të europianit, e që sinjalet kanë nisur të lëshohen që tani.
Oferta e parë tunduese është ajo për të drejtuar pankinën e anglezëve, pasi largimit me dorëheqje të Roy Hodgson, menjëherë pas eliminimit nga Islanda.
“Nuk e di nëse ekziston mundësia që unë të jem trajner i Anglisë, por uroj që të jetë kështu”, ka thënë De Biazi, duke mos e fshehur pra tundimin e tij për të drejtuar një ndër përfaqsueset më prestigjoze në botë.
Por ai, duke qenë se vendosi të marrë dhe nënshtetësinë shqiptare, duke u pagëzuar dhe me emrin e shqiptarizuar Gani Abazi, është treguar i rezervuar për një largim, nga Ballkani drejt ishullorëve
“Në kontratën time me FSHF-në ekziston një klauzolë që më lejon ta prish atë, por tani e kam të vështirë nga ana emocionale ta lë Shqipërinë”, tha De Biasi për Radio Anch’io lo Sport.
Gianni De Biasi erdhi në krye të kuqezinjve në një kohë kur emri i tij nuk tërhiqte shumë në tregun e ofertave.
Por ai, falë një fryme të re që futi në lojën e kombëtares shqiptare, duke përfituar dhe nga thithja e talenteve kosovare, ia arriti të ndërtojë një ekip pretendent, derisa arriti të çojë Shqipërinë për herë të parë në një kompeticion të të tilla përmasave, siç qe europiani i Francës.
Dhe tashmë, halli i tij është se nga do t’ja mbajë. Zemra, siç e ka lënë të kuptuar dhe vetë, e fton të rrijë në Shqipëri, ndërsa xhepi e fama e thërrasin që të shkojë në Angli. Të shohim ç’zgjedhje do bëjë… /tesheshi.com/
