EuroPride 2022 në Beograd u hap zyrtarisht me ngritjen e flamurit të eventit famëkeq para pallatit “Serbia”, dy ditë pas u protestua kundër tyre nga grupime shoqërore konservatore përfshirë dhe vetë Kishën.
Koordinatori i Europride, Goran Miletiç, tha se shumë besonin që aktiviteti nuk do të ndodhte, por ai theksoi se do të mbahen të gjitha programet, përfshirë edhe marshimin, transmeton RTS.
Goran Miletiç tha se Serbisë i duhen të drejtat LGBT, të cilat do të garantohen me ligj, të cilat, thotë ai, do të ndihmohen me mbajtjen e EuroPride. Ai theksoi se Europride është një mesazh tolerance dhe se është koha për barazi dhe solidaritet, një tezë e njohur spekullative e atyre që kanë si kauzë imponimin e vesit të tyre të ulët.
“EuroPride Beogradi do të tregojë se qyteti është i hapur për të gjithë, i barabartë me të gjithë, se është qytet i ndryshimeve dhe se të drejtat e të gjithëve duhet të garantohen”, tha Miletiç, duke kaluar kështu në një lloj ofensive pas qëndrimit të presidentit Vuçiç për të mos e mbajtur një aktivitet të tillë.
Ai madje tha se pret që Kuvendi të miratojë ligjin për bashkimet e të njëjtit seks.
Sipas tij, kjo është hera e parë që ngrihet flamuri para një institucioni dhe se me këtë akt duan të tregojnë se duhet ta bëjnë punën e tyre.
Sipas njoftimeve të organizatorëve, gjatë kësaj jave do të organizohen më shumë se 130 evente të ndryshme LGBT në kryeqytetin serb. /tesheshi.com/
