Kerem Demirbay, futbollist i skuadrës Fortuna Dusseldorf, gjatë ndeshjes ndaj Frakfurtit në Ligën e dytë gjermane, ka bërë një gjest aspak të pëlqyeshëm. Ai ofendoi gjyqtaren e ndeshjes, Bibiana Steinhaus, e cila e ndëshkoi me karton të kuq, pas dy të verdhëve.
Sipas Bild, 22-vjeçari i tha asaj se: “gratë nuk kanë vend në futbollin e meshkujve”, para se ta braktiste fushën e lojës.
Steinhaus, 36 vjeçare është femra e parë që drejton një ndeshje në kampionatin gjerman të futbollit. Mirëpo gjatë asaj ndeshje është ndier mjaftë rëndë, megjithëse futbollisti i ka kërkuar falje më vonë.
“Unë nuk duhet t’i kisha thënë kurrë këto fjalë, pasi nuk janë në personalitetin tim t’i ofendoj femrat. Unë isha i emocionuar sepse ishte një ndeshje me rëndësi për ne dhe mund të kem gabuar. Isha i përfshirë nga emocionet dhe kisha humbur kontrollin. Me të vërtetë mua më vjen shumë keq. Personalisht i kërkoj falje dhe besoj që Steinhaus të ketë pranuar faljen time”, u shpreh futbollisti.
Mirëpo, këtë veprim të tij nuk e ka kapërdirë dot, klubi i tij Fortuna Dusseldorf që e ka dënuar futbollistin për të drejtuar një ndeshje futbolli të femrave./tesheshi.com/
