Presidenti amerikan, Donald Trump duket të jetë zmbrapsur në komentet e tij që sugjeruan se ai besonte në deklaratat mohuese të homologut rus, Vladimir Putin për ndërhyrjen në zgjedhjet presidenciale të nëntorit të kaluar.
Ai u kritikua gjerësisht pasi tha se Vladimir Putin ndjehej i ofenduar nga dyshimet për ndërhyrjen ruse.
Të dielën, Trump sqaroi se ai mbështet agjencitë sekrete amerikane, të cilat prej kohësh kanë dalë në përfundimin se Rusia u përpoq të ndikojë rezultatin e zgjedhjeve të vitit 2016 në favor të tij.
Dy liderët e kanë diskutuar shkurtimisht çështjen në anekset e samitit të APEC në Vietnam. /tesheshi.com/
