Nga Blendi Gashi
Thonë se budallallëku dhe mendjemadhësia nuk ka brirë, por sot po mësojmë se ka edhe shtylla. Madje të shtrira në mes rrugës, duke rrezikuar jetën e nxënësve.
Por zyrtarëve të shtetit as ua ndjen për vogëlushët që çdo ditë u kalojnë të dridhurat kur në 7.30 kalojnë për të shkuar në shkollë dhe 4 orë më pas kur ikin për shtëpi.
Një shtyllë është rrëzuar prej gjashtë muajve në oborrin e shkollës ‘Migjeni’, në fshatin Baicë të Drenasit, dhe çdo ditë rrezikon jetën e nxënësve.
Mos komunikimi direkt ndërmjet shkollës (Drejtorit të shkollës) dhe KEDS-it(kompanisë së shpërndarjes së energjisë) ka mundur të jetë fatal për nxënësit por edhe të gjithë personat e tjerë që kanë lëvizur në këtë pjesë.
Palët fajin ia hedhin njëra-tjetrës. Derisa, drejtori i shkollës thotë se ka njoftuar KEDS-in për problemin në fjalë, këta të fundit mohojnë një gjë të tillë.
Për të rregulluar shtyllën e rrëzuar është dashur të ndërhyjë Komisioni për Monitorimin e Projekteve në terren, që ka kontaktuar me zyrtarët e KEDS-it që më pas kanë ndërhyrë. Xhavit Drenori, asambleist në Kuvendin Komunal të Drenasit, njëherët edhe anëtar iKomisionit për Monitorimin e Projekteve në terren ka paraqitur brengën e tij për odisejadën e shtyllës elektrike gjysmë të rrëzuar në oborrin e kësaj shkolle.
Ai për tesheshi.com ka shprehur habinë pse është dashur të kalojë kohë aq e gjatë (qershor-nëntor 2015) për tu rregulluar një shtyllë elektrike duke pasur parasysh rrezikun që ka paraqitur për nxënësit e kësaj shkolle?!
Drenori ka treguar për portalin tonë se në një bisedë që ka pasur me drejtorin e shkollës në Baicë, ky i fundit i ka thënë se ka njoftuar prej kohësh zyrtarët e KEDS-it në Drenas për problemin, për çka posedon edhe dëshmi me shkrim.
“Në anën tjetër në KEDS e mohojnë të jenë njoftuar më herët, përveç kur kanë marrë emailin tonë zyrtar të dërguar me 02.11.2015”, ka pohuar Drenori.
Asambleisti i Drenasit shtron pyetjen: pse do të duhej një anëtar i Kuvendit Komunal, respektivisht një Komision i tërë i Kuvendit të alarmojë për një çështje që ka mund të zgjidhej me një komunkim direkt dhe të thjeshtë ndërmjet shkollës dhe KEDS-it (personave përgjegjës)?
Megjithatë, ai shprehet i kënaqur që si Komision të paktën disa gjëra teknike po arrijnë t’i zgjidhin duke i adresuar.
Drenori, shprehet se po të kishte pak më tepër kohë dhe para për avokat, do të kishte ngritur padi pranë organëve të drejtësisë për personin që ka abuzuar me pozitën zyrtare duke mos intervenu për ta hequr shtyllën gjysëm të rrezuar nga oborri i shkollës dhe më këtë duke rrezikuar jetët e fëmijëve.
Portali ynë ka bërë pëpjekje të marrë përgjigje nga KEDS-i se pse nuk kanë intervenuar me kohë që të rregullojnë shtyllën e rrëzuar në oborrin e shkollës, por kjo kompani nuk ka kthyer përgjigje në pyetjet që ua kemi dërguar.
/tesheshi.com/
