Ardhjet e turistëve të huaj mund të binin deri në 30 përqind globalisht në krahasim me vitin 2019 për shkak të pandemisë së virusit koronar, njoftoi Organizata Botërore e Turizmit e Kombeve të Bashkuara (UNWTO) në faqen e saj të internetit.
Sipas vlerësimeve të nga ky organ i KB, kufizimet e udhëtimit për shkak të virusit COVID-19, të cilat nuk janë regjistruar në historinë e industrisë së turizmit deri më tani, mund të rezultojnë në një rënie prej 300 miliardë dollarësh deri në 450 miliardë dollarë në të ardhurat e turizmit.
Kjo është gati një e treta e të ardhurave prej 1.5 miliardë dollarë të gjeneruara globalisht nga ky sektor vitin e kaluar.
Raporti i UNWTO vë në dukje se këto vlerësime bazohen në zhvillimet më të fundit në ekonominë e turizmit të shkaktuar nga pandemia dhe duhet të interpretohen me kusht, duke pasur parasysh natyrën jashtëzakonisht të pasigurt të krizës aktuale.
Duke krahasuar krizën e shkaktuar nga kjo pandemi me disa periudha të këqija në të kaluarën, UNWTO deklaron se në vitin 2009, në kulmin e krizës financiare globale, ardhjet turistike ndërkombëtare u ulën me 4.0 përqind, dhe para kësaj, nga epidemia e SARS-it, kishte rënë vetëm 0.4 përqind në 2003. /tesheshi.com/
