Organizata Botërore e Shëndetit vlerësoi “modelin suedez” të luftimit të epidemisë, dhe dr. Mike Ryan, një ekspert për emergjencat, shpjegoi se në vend të bllokadës totale dhe karantinës, autoritetet suedeze prezantuan masa që mbështeteshin në vetë-kontrollin dhe disiplinën e qytetarëve.
Këto lëvdata janë bërë pavarësisht Suedisë, një vend me një popullsi prej 10 e gjysmë milion, deri më tani me më shumë se 20,000 njerëz të infektuar, me një total prej 2.462 të vdekur.
Kjo është më shumë se fqinjët e saj veriorë, të cilët kanë vendosur masa më të rrepta për të frenuar pandeminë Covid-19.
Norvegjia me një popullsi prej 5.4 milion ka gjithsej 7.680 të infektuar dhe 207 vdekje, dhe në Finlandën me një popullsi prej 5.5 milion u konfirmuan 4,906 të infektuar dhe 206 të vdekur.
Edhe një grup shkencëtarësh dhe mjekësh suedezë u dërguan një letër autoriteteve duke kërkuar futjen e karantinës si mbrojtje kundër epidemisë.
“Ne duhet të kontrollojmë situatën, ne nuk mund të shkojmë drejt kaosit të plotë. Askush përveç nesh nuk e zbatoi në këtë mënyrë, pse të jemi një kavie prove në Suedi”, tha Cecilia Söderberg, një fizikane bërthamore dhe një nga nënshkrueset e letrës drejtuar qeverisë suedeze.
Dr. Ryan tha se shumë menduan se Suedia e injoronte epideminë, nuk prezantoi karantinë dhe thjesht la që virusi të përhapet lirshëm.
“Kjo është larg nga e vërteta. Në vend të bllokimit, masave të rrepta të distancës personale dhe izolimit, ajo që kanë bërë autoritetet suedeze dhe ajo që ka rezultuar e suksesshme është një politikë bashkëpunimi me qytetarët, vetë-distancimi dhe vetë-rregullimi,” tha ai.
Sipas vlerësimit të tij, nëse bota dëshiron të kthehet në normale para pandemisë, ajo duhet të adoptojë modelin suedez pa bllokim total.
Sidoqoftë Suedia ka futur disa rregulla – shkollat e mesme dhe universitetet janë të mbyllura, tubimet e më shumë se 50 njerëzve janë të ndaluar, dhe njerëzit mbi 70 vjeç dhe ata që ndjehen të sëmurë inkurajohen të qëndrojnë në shtëpi. Por bizneset në përgjithësi mbeten të hapura dhe fëmijët që përndryshe mund të kenë nevojë për kujdes janë në shkollë.
Banorët tregojnë se ata praktikojnë distancë sociale, me të moshuarit të izoluar dhe familjet përgjithësisht qëndrojnë në shtëpi, përveç fëmijëve në shkollë. /tesheshi.com/
