Tufat e para të vogla të vaksinave të koronavirusit pritet të arrijnë nën skemën COVAX për vendet e varfëra në tremujorin e parë të këtij viti, tha zyrtarja e lartë e Organizatës Botërore të Shëndetësisë, Sumia Sëaminathan.
“Në tremujorët e dytë dhe të tretë të këtij viti, ne do të fillojmë të marrim sasitë e para,” tha ajo në një konferencë në Gjenevë.
COVAX, me mbështetjen e OBSH-së, Aleancës së Vaksinave GAVI dhe Koalicionit për Inovacionin në Gatishmëri për Epideminë, deri më tani ka mbledhur gjashtë miliardë dollarë dhe ka porositur dy miliardë doza vaksinash kundër COVID-19, me mundësinë e miliardave të tjera.
Vaksinimi, kryesisht në vendet e pasura
Në 36 ditë, rreth 28 milion doza të vaksinës koronavirus u dhanë në 46, kryesisht vende të pasura të botës, tha përfaqësuesi i OBSH Mike Ryan.
Pavarësisht nga fakti që vaksinimi kundër COVID-19 ka filluar në botë, ai shprehu shqetësim për përhapjen e shpejtë të një lloji të ri, më ngjitës të virusit në disa vende.
Ai tha se po shqetësohet që vaksinimi kryhet kryesisht në vendet më të pasura.
“Mendoj se deri më tani kemi vaksinuar njerëz me 28 milion doza. Janë përdorur pesë vaksina dhe platforma të ndryshme. Aktualisht, vaksinimi kryhet në 46 vende të botës, 38 prej të cilave janë të pasura dhe vetëm një mund të quhet shumë i varfër “, tha Ryan. /tesheshi.com/
