Organizata Botërore e Shëndetësisë (OBSH) publikoi të premten gjetje të reja në lidhje me mungesën “alarmante” të ndërgjegjësimit për lidhjen midis konsumit të alkoolit dhe kancerit në të gjithë Evropën, duke u kërkuar prodhuesve të pijeve alkoolike të shfaqin paralajmërime për rrezikun në produktet e tyre, të ngjashme me ato që gjenden tashmë në paketat e cigareve.
Një deklaratë nga Zyra Evropiane e OBSH-së paralajmëron se alkooli shkakton 800,000 vdekje në të gjithë Evropën çdo vit, por se vetëm një pjesë e popullsisë është e vetëdijshme për rrezikun.
“Pavarësisht se kanceri është shkaku kryesor i vdekjeve të lidhura me alkoolin në Bashkimin Evropian, ndërgjegjësimi për lidhjen midis alkoolit dhe kancerit mbetet jashtëzakonisht i ulët”, thuhet në deklaratë, sipas Reuters.
Shenjë paralajmëruese
OBSH ka paralajmëruar vazhdimisht se alkooli shkakton kancer dhe se kjo duhet të thuhet qartë në produkte.
Në fillim të këtij viti, autoritetet shëndetësore në Shtetet e Bashkuara kërkuan gjithashtu që paralajmërimet e kancerit të përfshihen në etiketat e pijeve alkoolike.
Aktualisht, vetëm tre nga 27 vendet e BE-së, Franca, Lituania dhe Gjermania, kanë një lloj etiketa paralajmëruese për mundësinë që konsumimi i alkoolit të shkaktojë kancer, ndërsa Irlanda planifikon të prezantojë paralajmërime të tilla nga maji 2026. /tesheshi.com/
