Sekretari i Përgjithshëm i Kombeve të Bashkuara Antonio Guterres ka kërkuar dhe 35 miliardë dollarë të tjerë, përfshirë 15 miliardë dollarë gjatë tre muajve të ardhshëm, për programin “ACT Accelerator” të Organizatës Botërore të Shëndetësisë (OBSH), i cili mbështet zhvillimin, trajtimin dhe diagnostikimin e vaksinave anti-COVID.
Tre miliardë dollarë janë mbledhur deri më tani, tha Guterres në një komunikim të transmetuar në internet të enjten, duke e quajtur atë “financim të farës”, e cila është më pak se 10 përqind e shumës që OBSH i duhet për një program të quajtur zyrtarisht Acces to COVID-19 Tools (ACT) Accelerator. .
Mbështetja financiare deri më tani ka mbetur prapa synimeve dhe shtetet dhe qeveritë, përfshirë Bashkimin Evropian, Britaninë, Japoninë dhe Shtetet e Bashkuara, janë duke përfunduar marrëveshje dypalëshe të vaksinave, duke bërë që Guterres dhe Drejtori i Përgjithshëm i OBSH-së, Tedros Adhan Ghebreyesus t’i bëjnë thirrje shteteve të japin kontribute më të mëdha.
“Na duhen 35 miliardë të tjerë tani”, tha Guterres.
Mbështetje e KE-së
“Urgjenca është vërtet e nevojshme për shkak të këtyre numrave. Pa 15 miliardë dollarë shtesë gjatë tre muajve të ardhshëm, ne do ta humbasim atë mundësi,” tha ai.
Presidentja e Komisionit Evropian, Ursula von der Leyen ka premtuar mbështetje dhe ka premtuar tashmë 400 milion euro në gusht.
Bashkimi Evropian do të mbetet thellësisht dhe plotësisht i përkushtuar për suksesin e ACT Accelerator,” tha von der Leyen. “Bota ka nevojë për të, ne kemi nevojë për të.”
Tedros përsëriti thirrjen e tij për rritje të provave klinike për COVID-19. AstraZeneca ndaloi një provë në fazën e vonë të një vaksine të mundshme këtë javë pasi një pjesëmarrës në Mbretërinë e Bashkuar u sëmur.
