Kreu i OBSH-së në Shqipëri, spanjolli Raul Gonzales, tha se masat e marra në Shqipëri nga koronavirusi janë shumë të avancuara se në Itali, vendin që është shndërruar në “dele të zezë” të Europës, siç Kina në nivel global.
“Masat e marra sot nga qeveria shqiptare janë shumë të mira dhe janë marrë në kohë për të frenuar përhapjen e virusit. Kjo gjë nuk u realizua brenda ditës në Itali, duke humbur kohë për marrjen e masave që janë të efektshme për parandalimin e përhapjes së COVID-19”, u shpreh Gonzales në një takim të Task Forcës dedikuar situatës.
Nga ana tjetër, qeveria shqiptare, me zërin e ministres Manastirlliu, tha se ekziston një përapërgatitje për të gjitha skenaret.
“Qeveria shqiptare, Ministria e Shëndetësisë dhe Mbrojtjes Sociale me rekomandimet direkte të ekspertëve kanë hartuar një plan masash për t’u ndjekur sipas të gjithë skenarëve të parashikuar, duke filluar që nga identifikimi i rasteve të para, karantimi i pacientëve, identifikimi i personave të kontaktit”, tha Manastirliu. /tesheshi.com/
