“Të gjitha provat e mundshme sugjerojnë se COVID-19 nuk është një virus i krijuar me vetëdije,” thotë një zëdhënës i OBSH.
Organizata Botërore e Shëndetit ka njoftuar se, sipas të gjitha provave të disponueshme, virusi koronar ka origjinën nga një kafshë në Kinë vitin e kaluar dhe se nuk ka asnjë provë që ai ishte krijuar në një laborator, raportoi Reuters.
Presidenti amerikan Donald Trump tha javën e kaluar se qeveria e tij po përpiqej të përcaktonte nëse virusi kishte origjinën në një laborator në Wuhan.
SHBA po heton nëse virusi koronar është i lidhur me Institutin e Virologjisë në Wuhan, i cili studion viruset më të rrezikshme.
“Të gjitha provat e mundshme sugjerojnë se virusi ka origjinë nga një kafshë dhe nuk është një virus i krijuar me vetëdije në laborator ose gjetkë,” u tha gazetarëve Fadela Chaib, një zëdhënëse e OBSH-së.
“Ka të ngjarë që virusi të ketë origjinë shtazore,” tha ajo.
S’është e qartë se si është transferuar virusi te njeriu, por është “e sigurt” se ai është transmetuar në një specie tjetër kafshësh para këtij transmetimi te njeriu, shtoi ajo. /tesheshi.com/
