Drejtori i Përgjithshëm i Organizatës Botërore të Shëndetit (OBSH) Tedros Adhanom Ghebreyesus mbrojti veprimet e agjencisë që drejton gjatë pandemisë koronare, duke thënë që ata vepruan “me shpejtësi dhe vendosmëri”, njoftoi Reuters.
Agjensia me qendër në Gjenevë është përballur me kritika në rritje nga vende të ndryshme javët e fundit lidhur me reagimin e saj ndaj koronakrizës, me tone veçanërisht të ashpra që vijnë nga Shtetet e Bashkuara, e cila, me 400 milion dollarë në vit, ishte dhuruesi më bujar derisa Presidenti Donald Trump ndërpreu fondet.
“Që nga fillimi, OBSH ka vepruar me shpejtësi dhe vendosmëri në përgjigjen ndaj virusit për të paralajmëruar botën”, tha Ghebreyesus, duke paraqitur një afat kohor të gjetjeve që rezultuan që COVID-19 të shpallet një kërcënim në të gjithë botën.
“Ne lëshuam një alarm në fillim dhe shpesh e reklamuam atë,” shtoi shefi i OBSH.
Ai kujtoi se OBSH ka trajnuar 2.3 milion punonjës shëndetësorë muajt e fundit, ka dhënë miliona prova, madje edhe në këto periudha të vështira, me ndihmën e Global Citizen, u ka siguruar njerëzve karantinë dhe disa argëtime, të qeshura dhe muzikë me një spektakël televiziv humanitar për të mbështetur shëndetin, ku veçon dhe angazhimin e Lady Gaga-s.
Disa nga paratë e mbledhura shkuan tek Fondi i Reagimit të Solidaritetit të COVID-19 të Organizatës Botërore të Shëndetit.
“Ne nuk bëmë vetëm një gjë – nuk hoqëm dorë,” tha Ghebreyesus.
Mike Ryan, një ekspert në Agjencinë e Menaxhimit të Emergjencave, njoftoi mbajtjen e vazhdueshme të testeve për virusin për vendet me të ardhura të ulëta dhe të mesme.
“Disponueshmëria e testeve është ende një problem i madh në shumë pjesë të botës,” tha Ryan kur u pyet për Afrikën. /tesheshi.com/
