132 milion njerëz të tjerë në botë mund të shkojnë drejt urisë për shkak të pandemisë së virusit koronar COVID-19, paralajmëroi drejtori i përgjithshëm i Organizatës Botërore të Shëndetit (OBSH), Tedros Adhanom Ghebreyesus.
“Virusi ka tërhequr vëmendjen e të gjithë komunitetit global, por duhet të kujtojmë se kjo nuk është kriza e vetme globale,” tha ai.
Ai shtoi se shumë vende, veçanërisht ato në Afrikë dhe Lindjen e Mesme, vazhdojnë të vuajnë pasojat e viteve të konfliktit të armatosur dhe krizës humanitare, dhe virusi i koronës mund ta përkeqësojë krizën.
“Sigurisht, është shumë herët për të vlerësuar efektin e karantinës dhe masave të tjera kufizuese për të frenuar përhapjen e koronavirusit, por numri i njerëzve të uritur mund të rritet me 132 milion, përveç 690 milion tashmë uritur vitin e kaluar”, tha shefi i OBSH. /tesheshi.com/
