Një ekip ndërkombëtar ekspertësh i ngarkuar për të hetuar origjinën e koronavirusit ka mbërritur në Wuhan në Kinën qendrore, konfirmuan zyrtarët të enjten.
Pas mbërritjes, ekspertët testohen për koronavirus dhe duhet të futen në karantinë për dy javë.
Ekspertët do të punojnë me shkencëtarët kinezë për të hetuar nëse virusi mund të gjurmohet në origjinën e tij.
Një koronavirus i ri që shkakton sëmundjen COVID-19 u zbulua për herë të parë më shumë se një vit më parë në metropolin qendror kinez.
Kërkimi për origjinën e virusit është politikisht i ndjeshëm – Kina ka frikë se do të identifikohet si fajtori për pandeminë e koronavirusit.
Për muaj me radhë, autoritetet kineze kanë vënë në diskutim nëse virusi ka origjinën në Kinë e.
Ata tregojnë për raporte të pakonfirmuara se rastet e para të infeksionit mund të kenë qenë të mundshme në vendet e tjera.
Ata gjithashtu thonë se gjurmët e virusit në mallrat e ngrira të importuara janë provë se virusi mund të ketë ardhur nga jashtë.
Nga ana tjetër, ekspertët dyshojnë në lakuriqët e natës nga Kina jugore si bartësit origjinal të sëmundjes.
Autoritetet shëndetësore kineze konfirmuan të enjten vdekjen e parë nga COVID-19 në tetë muaj. Gjithashtu, 138 raste të reja të infeksionit janë shfaqur, numri më i lartë ditor që nga marsi.
Vdekjet janë raportuar në provincën Hubei, ku disa qytete kohët e fundit janë future në karantinë pas shfaqjes së infeksioneve të reja. /tesheshi.com/
