Zëdhënësi i Organizatës Botërore të Shëndetit, Tarik Jashareviç, tha që pandemia e koronavirusit ishte ende në fillimet e saj.
Sipas tij, të gjitha qeveritë botërore duhet të dyfishojnë përpjekjet e tyre për ta ndaluar atë.
“Ne duhet të kuptojmë se ekziston rreziku që shumë më tepër njerëz të sëmuren. Meqenëse shumica e njerëzve nuk janë infektuar, ata nuk kanë imunitet. Nëse sistemet shëndetësore nuk janë në gjendje të identifikojnë dhe ofrojnë asistencë të duhur për ata që janë të sëmurë, dhe t’i vendosin ata që kanë qenë në kontakt me ta nën mbikëqyrje, ne mund të presim atë që tashmë shihet në disa vende, dhe kjo është që vjen pas masatve relaksuese: rritja e numrit të pacientëve”, tha Jashareviç.
Ai tha se personat që ndiejnë simptoma që mund të lidhen me COVID-19, të tilla si kollitja, dhimbja në mushkëri, ethet, nuk duhet të dalin në asnjë rast, por nëse tashmë janë jashtë, duhet të veshin maska mbrojtëse.
I pyetur nëse mund të thuhet se bota ka hyrë në valën e dytë apo kjo është vazhdimësi e valës së parë, Jashareviç tha se nga këndvështrimi i OBSH-së, epidemia është ende në fillim.
“Ne jemi akoma në fillim të kësaj pandemie dhe ajo që tani po shihet në pjesë të ndryshme të botës po arrin kulmin e asaj që ndodhi në Kinë,” tha Jashareviça. /tesheshi.com/
