Kina ka mohuar në mënyrë të përsëritur kërkesat e Organizatës Botërore të Shëndetit për të marrë pjesë në hetimet mbi origjinën e koronavirusit, tha përfaqësuesi i OBSH në Kinë, Gauden Galea, raportoi Sky News.
“Bazuar në të gjitha provat në dispozicion, kolegët e OBSH-së në sistemin tonë me tre nivele janë të bindur se virusi buroi në Wuhan dhe është një virus natyral, jo i prodhuar”, tha Galea.
“Ne e dimë që një hetim kombëtar është duke u zhvilluar, por në këtë fazë nuk jemi të ftuar t’i bashkohemi”, tha Galea.
Ai më tej deklaroi se OBSH po paraqiste kërkesa te komisioni shëndetësor dhe autoritetet dhe se ishte shumë e rëndësishme të përcaktohet origjina e virusit.
“Prioriteti është që ne duhet të dimë sa më shumë që të jetë e mundur për të parandaluar përsëritjen,” tha Galea.
Ai tha se OBSH nuk ishte në gjendje të hetojë të dhënat e dy laboratorëve që punojnë me viruse në Wuhan – Instituti i Virologjisë dhe CDH i Wuhan.
Sidoqoftë, sipas mendimit të Galea, ditaret laboratorike duhet të jenë pjesë e çdo raporti të plotë dhe me çdo pamje holistike për origjinën e virusit. /tesheshi.com/
