Sipas të dhënave zyrtare nga Organizata Botërore e Shëndetësisë (OBSH), në periudhën nga 1 deri më 7 shkurt, numri i njerëzve të infektuar u ul me 17 përqind në nivel global, dhe numri i përgjithshëm i vdekjeve po për këtë periudhë u ul me 10 përqind.
Raporti i OBSH-së thekson se numri i njerëzve të infektuar në botë është në rënie për të katërtën javë me radhë, shkruan Reuters.
Nga 1 deri më 7 shkurt, OBSH regjistroi 3,153,426 infeksione të reja në të gjithë botën, 17 përqind më pak se javën e kaluar dhe 88,369 vdekje, 10 përqind më pak se në shtatë ditët e mëparshme.
Raporti gjithashtu thotë se që nga fillimi i pandemisë, një total prej 105,429,382 raste të COVID 19 dhe 2,302,614 vdekjeve janë konfirmuar midis atyre të infektuar me koronavirus.
Rënia më e madhe e numrit të të infektuarve, në Afrikë
Rëniet më të mëdha në numrin e infeksioneve të reja u konfirmuan në Afrikë (22 përqind), Evropë (19 përqind) dhe Amerikën e Veriut dhe Jugut (17 përqind), dhe vdekshmëria në këto rajone u ul me 30 përqind në Afrikë, 13 përqind në Evropë dhe 4 përqind në Amerikën Veriore dhe në Amerikën Latine.
Midis 1 dhe 7 shkurt, numri më i madh i infeksioneve të reja u konfirmua në Shtetet e Bashkuara, rreth 871,000, ndjekur nga Brazili me rreth 328,000, Franca me 136,000 dhe Mbretëria e Bashkuar me rreth 133,000. /tesheshi.com/
