Hans-Henri Kluge, Drejtori Rajonal i Organizatës Botërore të Shëndetitpër Evropën, thotë se situata pandemike ë të gjithë Evropën është, si në javët e kaluara, e vështirë.
Tre muaj pasi OBSH shpalli një emergjencë shëndetësore në të gjithë botën, një kurbë që tregon numrin e të infektuarve në Evropën Perëndimore ka arritur kulmin, por po rritet ndërsa ne shikojmë në Lindje, tha ai në një konference për shtyp.
Sipas tij, numri i përgjithshëm i rasteve të reja në Evropë në shtatë ditët e fundit është rritur me 15 përqind dhe tani qëndron në 1.408.266, Ndërsa numri i vdekjeve në të njëjtën periudhë është rritur për 18 përqind, në 129.344.
Pjesa e Evropës, në raport me numrin e përgjithshëm të rasteve të infeksionit në botë është 46 përqind dhe 63 përqind në numrin e vdekjeve, tha Kluge.
Spanja, Italia, Mbretëria e Bashkuar, Gjermania dhe Franca vazhdojnë të kenë numrin më të madh të rasteve, por tani është arritur kulmi, d.m.th numri i rasteve të reja po bie, tha ai, duke përmendur se ky zhvillim pozitiv duhet të vazhdojë të monitorohet.
Bjellorusia, Federata Ruse, Kazakistani dhe Ukraina janë në rritje në Evropën Lindore dhe situata po stabilizohet në Turqi, tha ai, duke shtuar se “fushëveprimi i plotë i masave” që synojnë shtypjen e transmetimit të virusit duhet të ruhet në atë pjesë të Kontinentit të Vjetër.
Statistikat tregojnë se situata në rajon nuk është e njëjtë kudo – nga 44 vendet në Evropë që kanë futur kufizim të plotë ose të pjesshëm të lëvizjes, në 21 vende këto masa janë duke u zbutur në shkallë të ndryshme, me 11 vende të tjera që planifikojnë ta bëjnë këtë në ditët në vijim.
Klugen bëri thirrje për kujdes, këmbëngulje dhe durim në luftën kundër pandemisë, dhe përmendi gatishmërinë për të rivendosur masat nëse është e nevojshme. /tesheshi.com/
