Më shumë se 30 miliardë dollarë do të nevojiten për teste, vaksina dhe trajtim të personave me koronavirus, tha Organizata Botërore e Shëndetit (OBSH) përpara konferencës së donatorëve të së shtunës, raporton AFP.
Në fund të prillit, ajo dhe partnerët e saj filluan një iniciativë ndërkombëtare të quajtur “ACT Accelerator” për të përshpejtuar zhvillimin dhe prodhimin dhe për të siguruar një qasje të barabartë ndaj vaksinave dhe terapive kundër koronavirusit.
“Iniciativa do të duhet të ketë 31.3 miliardë dollarë gjatë 12 muajve të ardhshëm,” tha OBSH, duke shtuar se 3.4 miliardë dollarë ishin premtuar deri më tani.
“Pra, ne kemi nevojë për 27.9 miliardë dollarë të tjerë, nga të cilat 13.7 miliardë dollarë për të mbuluar nevojat urgjente”, deklaroi organizata, duke shtuar se ky është një investim i domosdoshëm për shkak të shëndetit të njeriut dhe vazhdimit të ekonomisë.
Sipas të dhënave më të fundit të mbledhura nga agjensia AFP, të paktën 487,274 njerëz kanë vdekur nga koronavirusi në botë, ndërsa më shumë se 9,604,040 njerëz janë infektuar.
Një konferencë e donatorëve është planifikuar për këtë të shtunë në Bruksel, dhe një koncert do të organizohet në të njëjtën kohë, duke përfshirë Shakira, Justin Bieber dhe Coldplay, etj. /tesheshi.com/
