Një mision ndërkombëtar i udhëhequr nga Organizata Botërore e Shëndetësisë (OBSH) do të shkojë në Wuhan, Kinë në javën e parë të janarit për të hetuar burimin e koronavirusit. Ekspertët ndërkombëtarë do të shkojnë në Kinë në një mision 6-javor menjëherë pas Vitit të Ri, duke përfshirë një karantinë dy-javore pas mbërritjes në vendin më të populluar të botës.
Kina zyrtarisht njoftoi rastin e parë të koronavirusit më 31 dhjetor të vitit të kaluar dhe menjëherë mbylli tregun në Wuhan, për të cili shumë besojnë se është burimi i infeksionit.
Ministrat e Shëndetësisë nga një numër vendesh i kanë bërë thirrje OBSH-së të identifikojë burimin e virusit dhe mënyrën se si ai kaloi nga lakuriqët tek njerëzit.
Aktualisht, një ekip prej 12 deri në 15 ekspertë ndërkombëtarë po përgatitet të shkojë në Wuhan për të shqyrtuar provat, duke përfshirë mostra njerëzish dhe kafshësh të mbledhura nga shkencëtarët kinezë, mbi bazën e të cilave ata do të kryejnë një studim.
Tea Fisher, një anëtare e ekipit të OBSH-së nga Danimarka, tha se shkencëtarët do të shkojnë në Kinë në një mision 6-javor menjëherë pas Vitit të Ri, duke përfshirë një karantinë dy-javore pas mbërritjes në vendin më të populluar në botë.
“Faza e parë duhet të ishte përfunduar deri më tani, bazuar në informacionin që kemi, dhe ne duhet të shohim disa rezultate. Nëse kjo ndodh kur të vijmë në Kinë, do të jetë fantastike, sepse do të jemi në gjendje të hyjmë menjëherë në fazën dy,” i tha ajo Reuters-it.
Shtetet e Bashkuara, të cilat akuzuan Kinën se fsheh një raport mbi origjinën e koronavirusit, bënë thirrje për “transparencë” në hetimin e OBSH-së.
Media shtetërore kineze pretendoi se COVID-19 ekzistonte jashtë vendit para se të zbulohej në Wuhan, duke përmendur praninë e virusit në paketat e ushqimeve të ngrira, ndwrkohë që dhe disa revista shkencore pohuan se COVID-19 po qarkullonte në Evropë vitin e kaluar. /tesheshi.com/
