Organizata Botërore e Shëndetësisë (OBSH) është në negociata me institutin rus që po zhvillon një vaksinën e quajtur “Sputnik V” në lidhje me mundësinë e përfshirjes në listën e përdorimit emergjent.
Duke siguruar një listë për përdorimin urgjent të vaksinës, OBSH do t’a rekomandojë atë te vendet anëtare të organizatës, raporton Reuters.
“Ne shpresojmë të marrim të dhëna për vaksinën e tyre Sputnik V “. Nëse produkti i paraqitur për vlerësim rezulton se plotëson kriteret për përfshirje në listë, OBSH do të publikojë rezultatet,” tha organizata.
Efektiviteti i vaksinës Sputnik V kundër koronavirusit gjatë analizës së parë të ndërmjetme të të dhënave nga faza e tretë e testimit në Rusi, është 92 përqind, njoftoi të mërkurën Fondi Rus për Investime Direkte.
Shtohet se efektiviteti u provua në bazë të analizës së parë provizore të të dhënave 21 ditë pasi vullnetarët morën imunizimin e parë.
Thuhet se më shumë se 20,000 nga 40,000 vullnetarë në 29 institucione mjekësore tashmë ishin vaksinuar me dozën e parë gjatë fazës së tretë të provës së vaksinës ruse, dhe më shumë se 16,000 me dozat e para dhe të dyta të vaksinës.
Theksohet se nuk janë zbuluar efekte anësore të paparashikuara në të vaksinuarit, janë vërejtur vetëm efekte anësore afatshkurtra, “të tilla si dhimbje në vendin e injektimit, sindromë e ngjashme me gripin, përfshirë ethe, dobësi, lodhje dhe dhimbje koke”. /tesheshi.com/
