COVID-19 nuk përfaqëson më një krizë globale shëndetësore emergjente, tha Organizata Botërore e Shëndetësisë (OBSH), e cila është një nga hapat kyç drejt përfundimit të pandemisë që ka marrë më shumë se 6.9 milionë jetë dhe ka prishur ekonominë botërore.
Kanë kaluar tre vjet që kur agjencia e Kombeve të Bashkuara e shpalli COVID-19 një rrezik global për shëndetin.
Ky status i lejoi botës të përqëndrohet në COVID-19 si një kërcënim i madh shëndetësor dhe nxiti bashkëpunimin global për vaksinat dhe ilaçet për të luftuar sëmundjen.
“Virusi ka mbaruar, por nuk është zhdukur”
“Dje, Komiteti i Emergjencave u mblodh për herë të 15-të dhe më rekomandoi që të shpallja fundin e krizës së shëndetit publik me rëndësi ndërkombëtare. Unë e kam pranuar këshillën dhe prandaj njoftoj me shumë shpresë se COVID-19, si një krizë globale shëndetësore, ka mbaruar”, tha të premten drejtori i OBSH-së Tedros Adhanom Ghebreyesus, raporton Reuters.
Vendimi tregon se bota ka bërë përparim, por COVID-19 do të jetë ende me ne, edhe pse nuk është më një krizë shëndetësore, tha OBSH.
Sipas OBSH-së, shkalla e vdekjeve ra nga më shumë se 100,000 njerëz në javë në janar 2021 në rreth 3,500 në javë deri më 24 prill të këtij viti.
“Megjithatë, kjo nuk do të thotë që COVID-19 është zhdukur,” paralajmëroi Ghebreyesus. /tesheshi.com/
