Organizata Botërore e Shëndetësisë, pasi ofron statistikën e 35 vdekjeve në një vit nga fruthi, vlerëson se ato kanë mundur të parandalohen me vaksinim, e për këtë arsye konsiderohen si “tragjedi të papranueshme”.
Shumica e vdekjeve janë regjistruar në Rumani (31 raste), pastaj Gjermani dhe Portugali.
Viktima e fundit e fruthit është një djalë 6-vjeçar nga Italia, vendi ku janë regjistruar më shumë se 3,300 raste të sëmundjeve infektive.
Përkundër disponueshmërisë së vaksinave të sigurta, efikase dhe të lira, fruthi ende mbetet një nga shkaqet më të zakonshme të vdekjes tek fëmijët në mbarë botën.
Vaksinimi i 95 për qind të popullsisë siguron mbrojtje kundër përhapjes së fruthit, por në vitet e fundit për shkak të përhapjes së keqinformimit rreth efekteve anësore të vaksinës është zvogëluar numri i fëmijëve të vaksinuar, sipas Organizatës Botërore të Shëndetësisë. /tesheshi.com/
