Organizata Botërore e Shëndetit (OBSH) ka paralajmëruar se gati gjashtë milion infermierë i mungojnë botës aktualisht të prekur nga pandemia koronare e virusit të ri.
Agjensia e KB, së bashku me Nursing Now dhe Këshillin Ndërkombëtar tw infermierëve (ICN), në një raport nxorën në pah rolin kryesor të infermierëve që përbëjnë gjysmën e stafit mjekësor në botë.
“Infermierët janë shtylla kurrizore e çdo sistemi të kujdesit shëndetësor,” tha Presidenti i OBSH-së Tedros Adhanom Ghebreyesus, duke kujtuar se ata janë akoma në linjat e para në luftën kundër Covid-19.
Sipas një raporti të OBSH-së, infermierët në botë janë pak më poshtë se 28 milion, dhe në pesë vjet numri i tyre është rritur me 4.7 milion deri në vitin 2018.
“Por kjo është ende 5.9 milion më pak se numri i nevojshëm,” thuhet në raport.
Shumica mungojnë në vendet më të varfra të Afrikës, Azisë Juglindore, Lindjes së Mesme dhe pjesë të Amerikës së Jugut.
Shefi i ICN tregon se mungesa e një numri të mjaftueshëm infermierësh kontribuon në një rritje të shkallës së infeksionit, gabime mjekësore dhe një rritje të niveleve të vdekshmërisë.
Ai paralajmëron gjithashtu se problemi rezulton në rraskapitje të infermierëve që punojnë.
Raporti gjithashtu thotë se vendet e pasura nuk arsimojnë mjaft infermierë dhe nuk mund të plotësojnë nevojat e tyre, kështu që ata i importojnë ato. Thënë kjo, vetëm se përkeqëson krizën shëndetësore në vendet e varfra. /tesheshi.com/
