Stinët nuk duket se ndikojnë në zhvillimin e pandemisë së virusit koronaR, tha të martën Organizata Botërore e Shëndetit, duke paralajmëruar se është e gabuar të besosh se ne jemi më të mbrojtur gjatë verës.
“Stinët nuk duket se ndikojnë në transmetimin e virusit, i cili ka vrarë më shumë se 650,000 njerëz në të gjithë botën dhe ka infektuar më shumë se 16 milion,” tha zëdhënësja e organizatës Margaret Harris në një konferencë të shkurtër virtuale.
Si shembull, ajo deklaroi se në një nga vendet më të prekura në botë, Shtetet e Bashkuara, tani është verë, dhe e dyta më e prekur është Brazili ku është dimër.
Sjellje të ndryshme
“Besimi se virusi është sezonal duket se ka vazhduar për një kohë të gjatë, por duhet të kujtojmë se është një virus i ri dhe megjithëse është një virus i frymëmarrjes, i cili është historikisht sezonal, ky sillet ndryshe”, insistoi ajo.
Ajo kujtoi besimin se rreziku i infeksionit është më i ulët në verë dhe përsëriti se “vera është problem sepse virusi i do të gjitha stinët”.
Ajo vuri në dukje se kombinimi i virusit të gripit, i cili është sezonal dhe mbretëron në dimër, dhe virusi i ri i koronës është shqetësues dhe mund të rrisë presionin në sistemet shëndetësore.
“Ne rekomandojmë që të gjithë të vaksinohen kundër gripit,” këshilloi ajo. /tesheshi.com/
