Organizata Botërore e Shëndetësisë ka shpallur fundin e epidemisë së Ebolës në Afrikën perëndimore. OBSH lajmëron se Liberia, pas Sierra Leone dhe Guinesë, është çliruar nga virusi dhe se ‘të gjithë zinxhirët e përhapjes së epidemisë kanë ndaluar’, në tre shtetet e goditura.
Liberia ishte shteti i fundit që ka shpëtuar nga epidemia. Bëhet fjalë për një epidemi që gjatë dy viteve ka shkaktuar vdekjen e mbi 11 mijë personave. Hera e parë kur u pikat rasti është në dhjetor të vitit 2013, kohë kur OBSH deklaroi se në tre shtetet më të prekura, kufomat grumbulloheshin në rrugë dhe raste të tjera të personave të prekur gjendeshin gjithandej çdo javë.
“Puna nuk ka përfunduar ende. Duhet të vijojmë të jemi të vëmendshëm”,- thotë Ginevra Peter Graaff, përgjegjëse e fushatës kundër ebolës. Megjithatë, rreziku në këto tre vende vijon të jetë permanent./tesheshi.com/
