Gardiani i portës së Atletikos së Madridid, slloveni Jan Oblak, nuk ka pësuar gol në 13 ndeshje, dhe po ecën i sigurt në udhën drejt fitimit të çmimit për portierin më të mirë.
362 janë minutat në të cilat ai nuk ka pësuar një gol të vetëm në kampionatin spanjoll. Si për ironi të fatit, i fundit i pësuar ishte autogoli i bashkëlojtarit të tij, Diego Godinit, në duelin me Malagën.
Kështu siç po shkon puna, Oblak mund të thyejë rekordin e sezonit 1993-1994, kur portieri Liano pati një mesatare prej vetëm 0,47% golash të pësuar gjatë një ndeshjeje. Portieri i Deportivos do të pësonte atë sezon 18 gola në 38 takime. Përndryshe, Atletiko e Madridit ka pësuar vetëm tetë gola në 20 javët e kampionatit. /tesheshi.com/
