Presidenti amerikan do të ketë një udhëtim të gjatë javën e ardhshme, të cilin do ta fillojë me vizitën në Arabinë Saudite.
Obama do të jetë në Riad të mërkurën, ku do të ketë bisedime me mbretin saudit. Ai gjithashtu do të ketë një takim me udhëheqësit e gjashtë vendeve të Gjirit Persik, anëtarë të Këshillit të Bashkëpunimit të Gjirit.
Në diskutime do të zënë kryesor çështjet e sigurisë rajonale.
Mbreti i Arabisë Saudite vendosi vitin e shkuar të mos marrë pjesë në një takim të presidentit amerikan me udhëheqësit e vendeve të Gjirit Persik në Kemp Dejvid, e që atëherë duket të ketë një ftohje në marrëdhëniet mes suaditëve dhe amerikanëve. Por nuk mendon kështu këshilltari i Obama-s, Rob Malley, i cili deklaron se që prej asaj kohe ka patur përparim të njëmendtë në marrëdhëniet dypalëshe.
“Takime të panumërta, në të tëra nivelet, ka patur gjatë 12 muajve të shkuar në fushën e sigurisë,” deklaron ai.
Obama do ta lërë Riadin mbrëmjen e së enjtes, për të udhëtuar drejt Anglisë. Ai do të ketë takime me mbretëreshën britanike, si dhe me kryeministrin Cameron. Presidenti amerikan nuk pritet të shprehë një qëndrim mbi referendumin e 23 qershorit për daljen ose jo të Britanisë nga BE-ja.
Bisedime dhe një konferencë të përbashkët shtypi do të ketë me kancelares Merkel dhe presidentit Obama në ndalesën e fundit, në Gjermani, të dielën e ardhshme. /tesheshi.com/
