Shtëpia e Bardhë ka njoftuar se presidenti Obama ka komunikuar në telefon me kryeministrin britanik David Cameron për t’i shprehur “mbështetjen e vazhdueshme të SHBA-ve për një Mbretëri të Bashkuar të fuqishme në një Bashkim Europian të fuqishëm”.
Administrata e Uashingtonit e ka mbështetur prej kohësh një rol qendror të Britanisë në BE, duke paralajmëruar se marrëdhënia e posaçme mund të vihet në rrezik nëse Mbretëria e Bashkuar largohet.
Rishprehja e mbështetjes së presidentit amerikan për një qëndrim të Britanisë në BE vjen ndërkohë që kryeministri Cameron po përpiqet të sigurojë lëshime prej Brukselit para referendumit për anëtarësinë që pritet të zhvillohet në muajt e ardhshëm.
David Cameron është në krah të qëndrimit të Britanisë në BE, por kërkon një varg ndryshimesh në rregullat e saj. /tesheshi.com/
